Autori i dyshuar i vrasjes me thikë së 14 vjeçarit Martin Cani një ditë më parë bënte ‘të fortin’ me thikën që mbante me vete, me të cilën dyshohet ka goditur për vdekje 14-vjecarin Martin Cani
Në këto pamje të siguruara nga ABC News, ai shihet se si ai rrotullonte thikën në dorë. I mituri akuzohet për veprat penale “Vrasja me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”, parashikuar nga nenet 79 pika a dhe 279 të Kodit Penal.
Konflikti nisi mes viktimës Martin Cani dhe autorit të dyshuar, të cilët ishin në të njëjtën klasë. Sherri ka nisur prej ditës së premte, ku gazetarja Bleona Sari tha se 14 vjecari Cani, ka plagosur në dorë autorin e dyshuar të ngjarjes së djeshme pranë shkollës ‘Fan Noli’.
Pas sherri të ndodhur fundjavën e shkuar, 14-vjecari, M.P, ka publikuar një video në rrjetet sociale, ku shihet ndërsa mban në dorë një thikë, me të cilën dyshohet se më pas, ka goditur për vdekje 14 vjecarin Cani. Mësohet se arma e ftohtë ende nuk është gjetur.
Sipas të dhënave, autori i dyshuar ka thirrur shokë të shkollës tjetër për ndihmë, ku njëri prej tyre është edhe shoqëruesi i parë në komisariat. I gjithë sherri mes të rinjve dyshohet të ketë ardhur nga motivet e dobëta në rrjetet sociale, më pas në konfrontim fizik.
