Një gol i mjaftoi Vllaznisë për të fituar Kupën e Shqipërisë. Ekipi i Thomas Brdaric mposhti 1-0 Skënderbeun në finalen e luajtur në “Air Albania”. Autoritetet shtetërore vendosën ditën e sotme lejimin e 1 mijë tifozëve në stadium. Këta të fundit shpejtuan për të blerë biletat dhe mbështetën skuadrat e zemrës nga afër.
https://streamable.com/lsp0l7
Një ndeshje e luftuar dhe me ritëm u zhvillua në kryeqytet. Gabimet nuk munguan në minutat e para, por jo dëshira për të ndëshkuar kundërshtarin. Afrikani Mensah u shfaq i rrezikshëm për ekipin korçar, por rastin më të pastër e pati Haris Dilaver.
Ishte minuta e 36-të, Da Silva gjeti bukur sulmuesin boshnjak, por Bekim Rexhepi kreu një pritje fantastike, duke u konfirmuar një nga portierët më të mirë të Superiores. Më parë tentuan edhe Marku e Jonuzi me goditje nga larg.
https://streamable.com/8yz3jq
Momente të mira për ekipin shkodran, që gjeti golin në minutën e 39-të. Braziliani Da Silva autori, teksa pati edhe fatin pas goditja e tij u devijua nga Vitija. Entuziazëm i madh dhe festë shkodrane në stadiumin “Air Albania”.
https://streamable.com/1rkl5p
Pushimi i bëri mirë Skënderbeut, që e nisi fort fraksionin e dytë të takimit. Juglindorët guxuan dhe u shfaqën të rrezikshëm me Marën dhe Taipin. Vllaznia e mori vetën dhe nisi të sulmojë përsëri pas minutës së 60-të.
https://streamable.com/93ip7g
Da Silva mund të shënonte sërish, por nxitimi dhe lodhja bënë të veten. Mensah pati një shans fantastik për të barazuar në minutën e 68-të, por sulmuesi i Skënderbeut gjuajti keq dhe topi përfundoi jashtë stadiumit.
https://streamable.com/zdbq0m
Ekipi i Migen Memellit humbi qetësinë dhe Vangjel Zguro u ndëshkua me karton të kuq në minutën e 85-të pas një faulli të rëndë dhe të panevojshëm. Përfundimisht 1-0 për Vllazninë, që fiton për herë të shtatë Kupën e Shqipërisë dhe rikthen një trofe në Shkodër pas 13 vitesh.
FINALJA E KUPËS SË SHQIPËRISË
Skënderbeu-Vllaznia 0-1
(Da Silva 39′)
VLLAZNIA (4-2-3-1): Bojan Zogovic; Erdenis Gurishta, Mevlan Adili, Eni Imami, Aleksandar Isaevski; Ardit Krymi, Fjoart Jonuzi; Herald Marku, Victor da Silva, Arsid Kruja; Haris Dilaver. Trajner: Thomas Brdaric
SKËNDERBEU (5-3-2): Bekim Rexhepi; Vangjel Zguro, Leard Sadriu, Leonat Vitija, Randy Dwumfour, Jorgo Meksi; Jean Victor, Shqiprim Taipi, Kosta Vangjeli; Uerdi Mara, Alfred Mensah. Trajner: Migen Memelli. /abcnews.al
