Dy persona nga Kosova janë arrestuar nga policia, për veprimtarinë e shitjes së armëve të zjarrit. Në pranga kanë ranë Altin Pajaziti dhe Kadri Prushi.
Gjatë operacionit të finalizuar “Suspend”, janë sekuestruar 2 pistoleta dhe municion luftarak.
Këta dy shtetas dyshohet se i kanë trafikuar 2 pistoletat, nga Kosova me qëllim shitjen në Tiranë, me vlerë afro 10 000 euro.
Vijojnë hetimet në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë.
Materialet procedurale i kaluan Prokurorisë, për veprime të mëtejshme.
/abcnews.al/
