Pas 5 fitoreve radhazi, “zikaltërit” e Inter janë ndalur në Serie A, teksa në “Giuseppe Meazza” janë mundur me rezulatin e ngushtë 1 me 2, nga Sassuolo e Nedim Bajramit, në sfidën e vlefshme për javën e 6-të të Kampionatit italian të futbollit, Serie A.
Pavarësisht se gjetën të parët avantazhin me anë të Denzel Dumfries, në fundin e pjesës së parë, Bajrami me shokë arritën të thyejnë “murin” e mbrojtjes “zikaltër”, teksa fillimisht “legjionari” i Kombëtares sonë, në minutën e 54’-t e më pas “fantazisti” italian, Domenico Berardi përmbysën gjithçka ndaj skuadrës së Simone Inzaghi.
Megjithatë, humbja nuk do të thotë gjë, pasi “zikaltërit” ruajnë vendin e parë në kampionat, me 15 pikë, po aq sa rivalët e Milan, por me një golavarazh më të mirë se këta të fundit, ndërsa skuadra e Sassuolo është ngjitur në vendin e 8-të në renditje me 9 pikë, 1 më pak se Fiorentina e vendit të 7. /i.m /abcnews.al
SHIKONI GOLAT:
Goli i Denzel Dumfries, 1-0:
Goli i Nedim Bajrami, 1-1:
Goli i Domenico Berardi, 1-2:
