Nesër nis sezoni 2020/2021 në Premier League dhe kampionët e Liverpool presin Leedsin e Bielsës në “Anfield” (18:30). Jurgen Klopp ka dhënë spektakël në konferencën për shtypin. Trajneri i “The Reds” është pyetur në lidhje me interesimin ndaj Thiago Alcantara, mesfushorit të Bayern Munchen.
“Nëse do të isha në gjendje të shpikja fjalë që do të shërbenin për t’i dhënë fund të gjithë spekulimeve rreth merkatos, do të bëhesha shumë i pasur. Merkato është akoma e hapur, kështu që nuk mund t’i jap fund thashethemeve.
Klopp looks very comfortable in discussing Thiago. Very strong sign I believe. ? pic.twitter.com/om32YXqqCB
— CHANT LFC (@ChantLFC) September 11, 2020
Jam shprehur se Thiago është një lojtar i shkëlqyer? Ndoshta e kam deklaruar diçka të tillë shumë kohë më parë. Më vjen mirë që emri i tij lidhet me Liverpool, ai është një lojtar shumë i bukur dhe ne jemi një klub i shkëlqyer. Kaq, nuk kam çfarë shtoj më“, thekson trajneri gjerman. /abcnews.al
