Vllaznia ndalet në shtëpi nga Kastrioti, në një ndeshje të luftuar që u mbyll në barazim pa gola dhe pritet që të ketë polemika për një penallti të mohuar për krutanët. Ekipi i Brdaric tani numëron 10 pikë më shumë se Partizani e Teuta, që nesër përballen mes tyre në stadiumin “Niko Dovana”.
NDESHJA – Shkodranët u hodhën në sulm që në fillim, duke ia dalë ta çajnë mbrojtjen e organizuar të Kastriotit. Imeri ishte ai që provoi i pari, por Hidi i tha “jo” golit të kuqebluve. Më pas Haris Dilaver kishte mundësinë më të mirë për të shënuar, por pak metra me portën u ndal nga portieri i krutanëve.
Kastrioti nga ana tjetër rrezikoi me Rezin dhe Moraes, ndërsa në minutën e 35-të kërkuan edhe një penallti për një shtyrje të Adilit ndaj Devid. Arbitri Kridens Meta, edhe pse ndodhej shumë pranë, nuk mendoi ashtu.
0-0 pjesa e parë, Vllaznia në të dytën u mundua shumë të organizohej dhe të shënonte golin e epërsisë. Kastrioti mbrohej mirë, pasi një pikë në transfertë me kryesuesit e kampionatit kishte shumë vlerë për ta. Në fund Neziri u ndëshkua me karton të kuq, por ishte shumë vonë dhe Vllaznia nuk përfitoi dhe iu desh të pajtohej me rezultatin 0-0. /abcnews.al
KATEGORIA SUPERIORE – JAVA 16
E diel, më 24 janar 2021, ora 16:45
VLLAZNIA-KASTRIOTI 0-0
Vllaznia: Zogovic, Gurishta, Adili, Imami, Isaevski, Krymi (Kruja 68′), Marku, Jonuzi (Da Silva 68′), Imeri, Hoxhaj, Dilaver. Trajner: Thomas Brdaric
Kastrioti: Hidi, Neziri, Shkalla, Zhivanaj, Rami (Daci 89′), Nuriu (Deliaj 68′), Mehmeti, Moraes (Çela 89′), Prodani, Rezi (Vokrri 72′), Devid. Trajner: Ramazan Ndreu
Arbitra: Kridens Meta, Arbër Zalla, Nuri Rrapaj, Olsid Ferataj
Kartonë të verdhë: Adili 33′, Krymi 36′, Imami 85′ / Shkalla 15′, Prodani 36′, Rami 50′
Karton i kuq: Neziri 94′
35 ‘ Pretendim për penallti nga Kastrioti. Protesta të shumta, ndërsa Vllaznia nis aksionin dhe u hodh në sulm. Tension më pas, pas ndërhyrjes së Prodanit që ndali aksionin e vendasve
30′ Ermir Rezi lëshon sinjalin e parë në portën e Vllaznisë. Portieri Zogovic reagoi në mënyrën e duhur dhe largoi rrezikun
21′ Haris Dilaver kishte mundësinë më të mirë për të shënuar, por portieri Isli Hidi ia mohoi golin. Imeri tentoi më pas, por gjuajti jashtë
https://streamable.com/j3b0li
16′ Demir Imeri tenton golin me një gjuajtje brenda zonës, portieri Isli Hidi e devijon topin dhe godijte këndi për Vllazninë
https://streamable.com/yvtxyu
