Teksa festuam ardhjen e pranverës, fillimi I kësaj jave ka risjellë uljen e temperaturave dhe reshje dëbore në disa qytete të Shqipërisë. Qyteti i Kukësit, Bulqiza, Tropoja, Hasi, Shkodra, qarku i Korçës dhe rrethina të Elbasanit janë zgjuar me reshje dëbore.
Në qytetin e Kukësit, termometeri ka zbritur në 0 gradë, ndërsa në lartësi mbi 700 m temperaturat shkojë deri në minus 4.
Lëvizja e mjeteve në rrugët nacionale ka qenë i lirë, përjashtuar në zonat e larta ku drejtuesit e mjeteve duhet të kenë pajisjet dimërore.
Mëngjesin e sotëm Korça u zbardh nga debora. Reshjet ranë me intensitet të ulët deri në mesatar në Korçë dhe në Pogradec.
Konkretisht në zonën e Dardhës dhe Voskopojës, trashësia e dëborës është regjistruar në 7 centimetra trashësi.
Furnizimi me energji elektrike ka qenë normal në të gjithë zonat e prekura nga reshjet e dëborës Mjetet borëpastruese kanë punuar për pastrimin e rrugëve nga dëbora dhe shpërndarjen e kripës./abcnews.al
