Marko Arnautovic, sulmuesi i Austrisë, me siguri do të urrehet fort prej shqiptarëve pas reagimit që bëri një ditë më parë në ndeshjen që fituan kundër Maqedonisë së Veriut.
Kohë më parë, në Zvicër tentuan t’i zbulonin origjinën dhe në një artikull të botuar hidhej ideja se ai ishte me origjinë shqiptare, referuar fjalës “arnaut” në mbiemrin e tij dhe që nga turqishtja do të thotë shqiptar.
Sigurisht asgjë nga këto nuk u interesojnë më shqiptarëve, pasi reagimi i tij ishte me të vërtetë i turpshëm dhe UEFA mund të marrë edhe masa disiplinore.
Mediat serbe e kanë nxjerrë zbuluar Arnautovic, teksa shkruajnë se nga leximi i buzëve në momentin e irritimit pas shënimit të golit, sulmuesi thotë: “Të q…. nënën shqiptare”.
https://streamable.com/q30ojb
Në fakt, pas golit shikohet qartë tërbimi i Arnautovic dhe e shoqëron edhe me gjeste, drejtuar njërit mes Bejtulait dhe Alioskit, që gjendeshin përballë tij. Tashmë mbetet të shihet nëse ky ofendim me baza racore është mbajtur shënim nga UEFA. /abcnews.al
