Në Europë ka ardhur dimri dhe dëbora është e pranishme në një pjesë të mirë të vendeve. Sot në Turqi u luajt Basaksehir-Sivasspor (1-1), teksa fusha ishte e gjitha e mbuluar me dëborë.
Ajo që ra në sy, në fakt nuk ra në sy dhe për këtë bëri përshtypje ishte uniforma e Sivasspor, e cila ishte totalisht e papërshtatshme me terrenin e fushës.
Basaksehir vs sivasspor
Melawan tim kamuflase… pic.twitter.com/fsVl8yKRgw
— Bryan Nuril Inzaghi (@inzaghio) January 16, 2021
Miqtë kishin veshur uniformë të gjithën të bardhe, duke e bërë shumë të vështirë dallimin e tyre në fushën e mbuluar nga dëbora. Video nga ndeshja, ku lojtarët miq duken me shumë vështirësi është shpërndarë shpejt në rrjetet sociale.
Edhe në Shqipëri e kishim një shembull të tillë. Partizani luajti në Korçë me Skënderbeun (2-1) mes dëborës dhe skuadra e Ilir Dajës kishte veshur çorape dhe fanellë të bardhë, teksa dallimin e vetëm e bënin tutat.
Këto të fundit dhe afërsia e kamerave me fushën e bënin më të lehtë se në Basaksehir-Sivasspor dallimin e lojtarëve miq. Nëse ndeshja në Turqi u bë “hit” në rrjetet sociale, Partizani “shpëtoi” këtë herë. /abcnews.al
