Ambasadori gjerman Oliver Oëcza, u përball me një sulm të dhunshëm gjatë vizitës së tij në Bregun Perëndimor të martën.
Studentët palestinezë në Universitetin Birzeit pranë Ramallah shënjestruan diplomatin, duke hedhur gurë, duke dëmtuar automjetin e tij dhe duke e detyruar atë të largohej nga vendi i ngjarjes.
طلبة جامعة بيرزيت شمال رام الله يطردون السفير الألماني. pic.twitter.com/kKIWTmOYrk
— mujahed moflh | مجاهد بني مفلح (@mujahedmoflh) April 30, 2024
Incidenti ndodhi kur Oëcza mbërriti në Muzeun e Palestinës, brenda kampusit universitar. Videot që qarkullojnë në rrjet, tregojnë studentët që bërtasin dhe tallin diplomatin, duke kërkuar largimin e tij.
Ndërsa situata u përshkallëzua, makina e ambasadorit u vu në shënjestër, ku studentët hodhën sende dhe dëmtuan mjetin.
Gjermania, tradicionalisht mbështetëse e Izraelit, ka mbrojtur gjithashtu të drejtat e palestinezëve dhe nevojën për një zgjidhje të konfliktit që përfshin krijimin e një shteti palestinez.
Berlini nuk ka dhënë ende një deklaratë zyrtare në lidhje me incidentin.
/abcnews.al
