VIDEO/ Sot festa e pavarësisë së SHBA-ve dhe ditëlindja e kryeministrit, Rama: Zoti e bekoftë Amerikën

Kryeministri Edi Rama ka uruar Shtetet e Bashkuara të Amerikës, me rastin e 244 vjetorit të pavarësisë së saj.

Rama e ka bërë urimin me anë të një video, ku shihen disa nga figurat më të shquara në historinë e Amerikës, ku nuk mungon Abraham Lincoln, Woodrow Wilson, George Bush, John Kennedy dhe Martin Luter King.

Pamjet në video janë edhe nga ardhja e Presidentit George Bush në Shqipëri, ndërsa shihet pjesa e fjalimit të tij, kur shprehet se Kosova do të jetë e pavarur.

SHBA njihen si një nga mbështetësit më të madh të Shqipërisë, ndërsa ishin edhe mbështetësit kryesorë për shpalljen  e pavarësisë së Kosovës.

Por në 4 korrik është njëkohësisht edhe ditëlindja e kreut të qeverisë i cili sot feston 56-vjetorin./abcnews.al