Nuk kishte si të shkont ndryshe. Shkëndija e Tetovës e ka nisur me fitore rrugëtimin e saj të 9-të evropian, ku në shkup mundën me rezultatin e ngushtë 1 me 0, uellsianët e Haverfordwest, në përballjen e vlefshme për fazën e parë kualifikuese të Conference League.
Pavarësisht rasteve të shumta për gol nga “kuqezinjtë” e Tetovës, goli i vetëm i sfidës erdhi në minutën e 47’-të, ku pas një kombinimi fantastik mes Ardian Limanit dhe sulmuesit Adenis Shala, ky i fundit çon topin në rrjetë, duke i dhënë të tijve avantazhin e më pas fitoren e vyer.
Tashmë e vetmja gjë çka mbetet për të përcaktuar ekipin, i cili do të kalojë në raundin tjetër është përballja e javës së ardhshme në Cardiff, aty ku vendasit do të bëjnë gjithçka për të prishur punët e tetovarëve. /i.m /abcnews.al
SHIKONI GOLIN:
