Kalimi te skuadra e Sivasspor, në elitën e futbollit turk, duket t’i ketë bërë mjaft mirë “bomberit” lushnja, Rey Manaj, i cili më në fund është rikthyer te shënimi i golave, ndeshje pas ndeshje.
Pasi arriti të gjente rrugën e rrjetës, 2 herë në 3 përballjet e fundit në kampionat, Manaj ka surprizuar mesditën e kësaj të enjteje, duke arritur të tund plot 3 herë rrjetën, në vetëm 36 minuta, në përballjen e vlefshme për Kupën e Turqisë, ndaj Hopaspor
Goli i parë i lushnjarit erdhi që në minutën e 6’, ku me një goditje të bukur me të djathtën mposhti portierin e miqve, por nuk mbaroi me kaq, pasi 26-vjeçari arriti të shënonte edhe 2 herë të tjera, në minutën e 35’-të e më pas në të 42’-tën, duke “vulosur” kështu fitoren e të tijve.
Ndërkaq, kujtojmë se deri më tani Manaj ka zhvilluar plot 8 ndeshje në Superligën turke, me skuadrën e Sivasspor, ku ka arritur të shënojë 2 gola, si dhe 1 ndeshje në Kupë, ku realizoi tripletën personale. /i.m /abcnews.al
SHIKONI GOLAT:
Goli i parë:
Goli i dytë:
Goli i tretë:
