Gjiganti kinez Baidu prezantoi Apollo RT6, një makinë elektrike autonome e nivelit 4 pa timon dhe pedale dhe është gati ta nxjerrë në treg me një çmim prej pak më shumë se 36 mijë euro.
Baidu quhet “Google i Kinës” , pasi aktiviteti i tij i parë dhe kryesor ishte krijimi i një motori kërkimi në internet. Ndërsa, vitet e fundit kompania e ka kthyer vëmendjen dhe investimet e saj drejt elektrifikimit dhe teknologjive autonome të drejtimit.
Ajo zhvilloi softuerin Apollo, të cilin e ka në dispozicion të dhjetëra kompanive, duke përfshirë prodhuesit kryesorë të automjeteve globale dhe e aplikoi atë në flotën e taksive autonome që filloi të ndërtonte nga vera e vitit 2021, më pas në ROBO-01 elektrike që zbuloi së fundmi.
“Përmbajtja masive e kostos do të na lejojë të bëjmë dhjetëra mijëra kopje të Apollo të disponueshme në të gjithë Kinën. Ne po shkojmë drejt një të ardhmeje ku përdorimi i një taksi autonome do të kushtojë gjysmën e asaj që kushton përdorimi i një taksi të rregullt sot”, tha CEO i Baidu, Robin Li.
Apollo RT6 do t’i shtohet flotës së robotaksisë Apollo Go të Baidu në rreth një vit. Pas periudhës fillestare të provës, ajo do të kontribuojë në rritjen e kësaj flote nga 10,000 makina që përfshin aktualisht, në rreth 100,000. Kështu, kompania kineze dëshiron të zgjerojë flotën e saj në 65 qytete në Kinë deri në vitin 2025 dhe në 100 qytete deri në vitin 2030./abcnews.al
