Napoli po kryen një sezon fantastik në Serie A, por edhe një rrugëtim të bukur deri më tani në Champions League. Skuadra italiane është shumë pranë titullit të Scudettos dhe është sigurisht një meritë e madhe e Luciano Spallettit.
Nëse Napoli do të mundet të kurorëzohet si kampion i Serie A, padyshim do të jetë për shkak të tij. Qyteti dhe tifozët po e cilësojnë Spallettin si profesor i skuadrës, por këtë gjë italiani po e shfaq edhe jashtë fushës së blertë.
Pak ditë më parë, ai pa disa tifozë pranë qendrës stërvitore të Napolit që kishin ardhur për të parë stërvitjen apo edhe lojtarët e tyre të dashur, ku gjithashtu ndodheshin edhe disa fëmijë të vegjël. Spalletti u afrua dhe nuk i pëlqeu fakti se fëmijët nuk ishin në shkollë. Spalletti i shqetësuar i ka pyetur fëmijët pse nuk ishin në shkollë dhe ata janë përgjigjur duke thënë se kishte grevë.
Se siete dei ragazzini e decidete di andare a Castel Volturno di mattina per vedere i calciatori del Napoli allenarsi, fate attenzione che Spalletti potrebbe chiedervi la giustificazione sul libretto.
Mister ?
[? TikTok/crescenzofrattin11]#Napoli #Spalletti pic.twitter.com/AYbiKdCoCr
— CALCIATORI BRUTTI (@CB_Ignoranza) January 31, 2023
Spalletti: “Pse nuk jeni në shkollë sot?”
Fëmijët: “Është grevë.”
Spalletti: “Kur do t’i kompesoni këto ditët e humbura? Pasdite?”
Fëmijët: “Asnjëherë.”
Kjo video është bërë virale menjëherë, ku tekniku italian ishte duke i folur një tifozi të vogël rreth shkollës. Ai i tregonte se si shkolla është një sukses i madh ashtu sikur sporti, futbolli. Ky fjalim dhe moral i Spallettit në drejtim të fëmijëve u ka pëlqyer edhe prindërve./ h.ll/abcnews.al
