Fitore me gola për Bayern Munchen dhe Dortmund, teksa Milot Rashica dhuron asist te Werder Bremen. Kampionët në fuqi triumfuan 4-1 në shtëpi kundër Hoffenheim, ekip që i kishte mundur me të njëjtin rezultat në fazën e parë djemtë e Hansi Flick.
Miqtë rezistuan vetëm një gjysmë ore. Jerome Boateng dhe Thomas Muller shënuan për Bayernin, përpara se kroati Kramaric të gjente golin e nderit për ekipin mik në minutën e fundit të pjesës së parë.
Dortmund and Frankfurt avoid the upsets while it’s business as usual for Bayern ?#BLMatchday pic.twitter.com/cSLbGJCeK9
— Bundesliga English (@Bundesliga_EN) January 30, 2021
Mbrojtësi realizoi me kokë pas një krosi të Kimmich nga këndorja, ndërsa Muller dyfishoi me një goditje të saktë. Robert Lewandowski nuk mund të qëndronte pa shënuar dhe tundi rrjetën e Hoffenheim në minutën e 57-të. Goli i 24-t në kampionat për bomberin polak.
Golin e gjeti edhe Serge Gnabry, i cili vulosi fitoren me “poker” të ekipit kryesues të Bundesligës. Dortmund kishte marrë vetëm një pikë në tre ndeshjet e fundit në kampionat. Verdhezinjtë reaguan sot ndaj Augsburg, sfidë e fituan 3-1.
Hahn kaloi miqtë në avantazh në minutën e dhjetë. Erling Haaland kishte një shans të artë për të rikthyer baraspeshën (21′), por gaboi nga pika e bardhë e penalltisë. Gjithsesi, pesë minuta më vonë erdhi barazimi falë Thomas Delaney.
Jadon Sancho i dhuroi avantazhin Dortmundit pas një ore lojë, teksa autogoli i Felix Uduokhai në minutën e 75-të mbylli përfundimisht takimin. Werder Bremen nuk shkoi më shumë se një barazim 1-1 në shtëpi përballë Schalkes së vendit të fundit.
“Blutë Mbretërorë” kaluan në avantazh në pjesën e parë, teksa vendasit evituan humbjen me golin e realizuar në minutën e 77-të. Milot Rashica dhuroi një asist për Kevin Mohwald dhe ky i fundit dërgoi topin në rrjetë.
https://streamable.com/cxvlmc
Eintracht Franfurt po kalon një moment fantastik. Sot triumfoi 3-1 me përmbysje përballë Hertha Berlin, duke u ngjitur përkohësisht në vend të tretë. Të katër golat u shënuan në pjesën e dytë.
Piatek kaloi ekipin kryeqytetas në avantazh, por Eintracht përmbysi gjithçka falë dy golave të Andre Silva (16 gola në kampionat) dhe rrjetës së Martin Hinteregger. Takimi tjetër midis Union Berlin dhe M’Gladbach përfundoi në barazim 1-1. /abcnews.al
