Jo më kot konsiderohet, si një nga përballjet më spektakolare, në rruzullin tokësor. “El Clasico” spanjolle, mes Real Madrid e Barcelona ka prodhuar një “festival” golash, mbrëmjen e kësaj të diele, teksa në “KSU Stadium”, finalja e Superkupës shkoi për “Galaktikët”, të cilët mposhtën “Katalanasit”, me rezultatin madhështor, 4 me 1, duke të mahnitur të pranishmit në “mitikun” e Rijadit.
Përballja mund të thuhet që u “vulos”, që në pjesën e parë të sfidës, me “yllin” brazilian, Vincius Junior, që shënoi 3 herë, në minutat 7’, 10’ e 39’, duke nxjerrë të pavlefshëm “perlën” e “bomberit” polak, Robert Lewandowski, të shënuar në minutën e 33’-të të ndeshjes, ndërsa për të “hipotekuar” fitoren me “poker” mendoi një tjetër brazilian, me “yllin”, Rodrygo, i cili çoi topin në rrjetë, në minutën e 64’-t.
Me këtë fitore, “Mbretërit” e Madridit sigurojnë trofeun e parë të këtij sezoni, duke vijuar tashmë “luftën” për trofe, në tre fronte të ndryshe, kampionat, ku garon me skuadrën e Girona, Copa del Rey, ku do të përballet me skuadrën e Atletico Madrid, në fazën e 1/8-ve dhe UEFA Champions League, ku në raundin e 1/8-ve kanë “peshkuar” gjermanët e RB Leipzig. /i.m /abcnews.al
SHIKONI GOLAT:
Goli Vinicius Junior 1-0:
Goli i Vinicius Junior, 2-0:
Goli i Robert Lewandowski, 2-1:
Goli i Vinicius Junior, 3-1:
Goli i Rodrygo, 4-1:
