Paul Pogba me shumë gjasa është i larguar në muajin janar. Mesfushori i Manchester United nuk po luan prej shumë takimesh dhe Solskjaer e ka ndërtuar ekipin pa të.
Fred dhe Pereira kanë formuar një dyshe të mirë në mesfushë dhe mungesa e Pogba nuk po ndihej aq sa mendohej në fillim. Mesfushori francez me shumë gjasa do të rikthehet në Torino te Juventusi, ose do të transferohet në mënyrë të bujshme te Real Madrid.
Megjithatë, deri në muajin janar, ai mbetet një lojtar i United dhe veprimi i fundit i tij ka lënë një shije të hidhur. Pogba ka raportuar se është i dëmtuar, por në Instagramin e tij, ka publikuar një video duke luajtur basketboll. Gjithçka duket e përfunduar mes Pogba dhe Manchester United./abcnews.al
