Tirana nuk e ka mbyllur merkaton dhe tashmë zbulohet edhe një tjetër objektiv. Në Ganë raportojnë se Richard Danso po tentohet nga bardheblutë, që ditët në vijim pritet të bëjnë edhe një ofertë konkrete për të.
Momentalisht Danso luan në Ganë, pas një aventure në SHBA me North Texas SC, skuadër që garon në USL League One. Në 13 ndeshje, sulmuesi i krahut të majtë ka realizuar dy gola dhe shikohet si pasuesi i Elton Cale.
Ai ka spikatur që i vogël me Ganën U17, kur në Kampionatin Botëror të 17-vjeçarëve shënoi dy gola në katër ndeshje, duke u futur në fushë si zëvendësues.
Danso, i cili mbush në shtator 20 vjeç, aktualisht është pjesë e West African Football Academy (WAFA), ndërkohë që ka veshur edhe fanellën e ES Sahel në Tunizi. Këta të fundit e zotërojnë ende kartonin e sulmuesit. / abcnews.al
https://youtu.be/HYRy67rjUvc
