Një lloj tjetër lufte po zhvillohet në kufirin perëndimor të Ukrainës, pasi shumë të rinj nuk duan të shkojnë në fushën e betejës dhe po përpiqen të largohen përmes kufirit.
Videot tregojnë se autoritetet ushtrojnë dhunë mbi të rinjtë e kapur pranë kufirit me Rumaninë.
“Unë nuk jam i pafe. Shumë nga miqtë e mi tashmë janë larguar. Kushdo që ka mundësi, largohet,” tha për Sky Neës një i ri ukrainas që vendosi të shkonte jashtë shtetit për të shmangur rekrutim.
These men were caught near the border with Romania trying to flee Ukraine.
They are not the only ones who do not want to fight and are trying to avoid conscription
— Sky News (@SkyNews) April 11, 2024
Ai e kaloi kufirin përmes maleve, pasi kishte paguar 6000 dollarë si çmim për të dalë nga vendi. “Kam nevojë për paqe”, thotë ai.
Tani për tani, autoritetet po përpiqen të ndalojnë largimin e të rinjve nga Ukraina. Ushtria ka nevojë për rekrutë. Çdo javë, autoritetet arrestojnë të rinj që tentojnë të arratisen.
Në dhjetor, Ukraina kishte nevojë për më shumë se gjysmë milioni ushtarë të rinj, një çështje që presidenti i vendit, Volodymyr Zelensky, e kishte përshkruar si shumë të ndjeshme.
Dy vjet pas fillimit të luftës, në fushëbetejë janë kryesisht burra të moshës së mesme që kanë pësuar lëndime dhe janë në prag të rraskapitjes. Numri i regjistrimeve po zvogëlohet dhe ushtria duket e paaftë për të përballuar kërkesat e luftës me Rusinë.
Projektligji i ri i miratuar ditën e djeshme ul moshën nga 27 në 25. Synimi i ligjvënësve është të gjejnë një zgjidhje për problemin e mungesës së vullnetarëve. Por shumë besojnë se Ukraina do të duhet të gjejë mënyra të tjera për të rekrutuar, pasi në muajt në vijim dhe pas miratimit të projektligjit pritet të rritet numri i të rinjve që do të largohen jashtë vendit.
/abcnews.al
