Trajneri i Tottenham, Jose Mourinho, nuk po kalon një nga momentet e tij më të mira në stolin e klubit anglez. Eliminimi nga Europa League ende dhemb tek londinezët e si pasojë shumë tifozë kanë kritikuar e kërkuar largimin e “The Special One” nga drejtimi i skuadrës.
Megjithatë, Mourinho ka një përgjigje për të gjithë kritikuesit e skeptikët e tij. Në një intervistë për “Football Daily”, ai pyetet pikërisht për këtë moment të vështirë që po kalon, por përgjigjia mbetet si gjithmonë unike nga ana e tij.
? “I don’t think anybody is going to discuss rocket science with the guys from NASA, but everyone around the world thinks they can discuss football with one of the most important managers in the game.”
Jose Mourinho sums up his thoughts of his critics pic.twitter.com/IfY0NYjHmI
— Football Daily (@footballdaily) March 26, 2021
“Kritikat? Unë nuk mendoj se dikush në botë mund të diskutojë për raketat me djemtë e NASA, por gjithkush në mbarë botën mendon se mund të diskutojë për futbollin me një nga trajnerët më të rëndësishëm në qarkullim”, deklaron portugezi. /abcnews.al
