VIDEO/ Milanit i mjafton perla e Hauge, Lirim Kastrati gjen golin në Zagreb

schedule22:56 - 10 Dhjetor, 2020

schedule 22:56 - 10 Dhjetor, 2020

Wolfsberger dhe Maccabi Tel Aviv janë dy ekipet e fundit që sigurojnë kualifikimin në Europa League. Austriakët mposhtën 1-0 në shtëpi Feyenoord, duke lënë jashtë këtij kompeticioni ekipin e njohur holandez, ndërsa izraelitët fituan përballjen direkte ndaj turqve të Sivasspor.

Goli dhe rastet e SPARTA PRAGUE-MILAN

Milani kishte siguruar kualifikimin dhe Stefano Pioli aktivizoi ata që kanë luajtur pak në takimin e sotëm ndaj Sparta Prague në Çeki. Kuqezinjtë fituan 0-1 falë eurogolit të Jens Hauge në pjesën e parë. Norvegjezi “shpiku” një tjetër gol shumë të bukur, duke vijuar të mahnitë tifozët e shumë të “Djallit”.

Me fitore e mbyllën fazën e grupeve edhe Tottenham e Leicester City. Të dy ekipet e Premier League regjistruan të njëjtin rezultat në shtëpi, duke mposhtur 2-0 Antwerp dhe AEK-un e Athinës. Me tre pikë e mbylli edhe Dinamo Zagreb, që kishte siguruar vendin e parë në grupin K.

Kampionët e Kroacisë fituan 3-1 në Zagreb ndaj CSKA Moscoë, teksa golin e tretë e realizoi Lirim Kastrati, sulmuesi i Kosovës. Mbrëmje shumë pozitive për 21-vjeçarin dardan, i cili ishte autori i asistit të goli i dytë i Dinamos. /abcnews.al