Marc Marquez, një javë e gjysmë nga nisja e garës së parë në Katar për sezonin e ri të Moto GP, ka arritur të rikuperohet dhe të jetë në gjendje të ngjitet në një motorr 1000 mijë kubikësh.
Spanjolli nuk e provonte këtë ndjesi që nga korriku i vitit të shkuar, kur provoi të kthehej pas operacionit të parë të kryer për shkak të atij aksidenti në garën e parë të sezonit, ku u dëmtua rëndë në shpatull.
Ai fillimisht nisi të ngasë një biçikletë, më pas një minimotor për fëmijë e tashmë ka marrë lejen e mjekëve për të ngarë një Honda RC213V-S me 159 kuaj fuqi dhe peshë 160 kilogramë, çka e teston shpatullën gati maksimalisht. Ai zbriti sot me të në pistën e Montmelo, Barcelonë.
Este test SÍ que va en serio,
El mono del #EquipoRepsol, la RC213V-S y, sobre todo, las rodilleras…
¡Agarraos, que #MM93 viene con ganas! ✊This test IS the real deal
The #RepsolTeam suit, the RC213V-S, and most importantly, the kneepads…
Hold on tight!✊✊ pic.twitter.com/cU6e4xxCCg— Box_Repsol (@box_repsol) March 16, 2021
Vetë ai nuk ka dhënë asnjë siguri për praninë e tij në garën e parë të sezonit. Misioni më i madh është rikuperimi i plotë dhe më pas spanjolli do provojë të rikthehet në pistë e të garojë për të fituar titullin e nëntë kampion në Moto GP, duke barazuar Valentino Rossin. /abcnews.al
