Manchester City shkatërron Arsenalin me rezultatin 1-4 dhe kualifikohet në gjysmëfinale të EFL Cup. “Qytetarët” e nisën ndeshjen në mënyrën më të mirë, pasi realizuan që në minutën e tretë me anë të Gabriel Jesus.
Sulmuesi brazilian me kokë nuk fali dhe e çoi topin në rrjetë. Pavarësisht dominimit të City, “Topçinjtë” ia dolën të shënojnë golin e barazimit pas gjysmë ore lojë dhe pjesa e parë u mbyll në barazim 1-1.
Arsenali në fraksionin e dytë të lojës bëri një dhuratë. Një goditje dënimi e Mahrez u kthye në gol, por portieri Runarsson gaboi dhe topi i rrëshqiti nga duart. Goditje për londinezët, që më parë kishin marrë edhe lajmin e dëmtimit të Martinelli.
City nuk u ndal me kaq, pasi talenti Phil Foden shënoi edhe golin e tretë, kurse “vulën” e vendosi Aimeric Laporte me një goditje me kokë. Po sot ishte luajtur edhe Brentford-Newcastle, që u mbyll me rezultatin 1-0. /abcnews.al
