Një person i cili po udhëtonte me biçikletë u përplas për vdekje nga një makinë tip Benz. Ngjarja ndodhi në Lushnjë, në një rrugë pranë fshatit Fier i Ri.
Nuk mund ta besoj që trupi i pajetë i njeriut të saj dergjet aty në tokë mbuluar me një batanije. Jeta e tij u shua sapo doli nga lokali në anë të rrugës.
Por policët presin sipas procedurave mjetin e ekspertizës ligjore si dhe autombulancën. Minutat këtu janë orë për dikë që i është vrarë familjari. Ata kërkojnë dërgimin e tij në spital, por fatkeqësisht çdo gjë kishte marrë fund.
42 vjeçari Agron Sema nga Rrupaj i Lushnjës i aksidentua këtu në Fier të Ri të Krutjes.
Një makinë tip benz që drejtohej nga Serjan Arapi 32 vjeç e përplasi sapo doli nga lokali dhe mori biçikletën.
Kishte ecur vetëm pak metra në drejtim të rrugës Pushim i Shoferit- Fiershegan kur trupi i viktimës përfundoi në pjesën e pasme të një mjeti të parkuar.
Ai vdiq në vend pa asnjë mundësi shpëtimi, kurse policia ndaloi 31 vjeçarin për të zbardhur rrethanat dhe shkaqet.
/abcnews.al
