Liverpool është rikthyer dhe sot ka marrë tre pikë me vlera ndaj një skuadre si West Ham United, që i kishte fituar katër ndeshjet e fundit. “The Reds” ia dolën me rezultatin 1-3, në një ndeshje që nuk pati asnjë gol në pjesën e parë.
Mohamed Salah për 10 minuta zgjidhi gjithçka, duke shënuar dy gola. Në të dytin ishte protagonist edhe Xherdan Shaqiri, i cili dha një pasim perfekt për egjiptianin. Wijndalum në minutat e fundi realizoi edhe të tretin dhe i mbylli llogaritë.
Dawson shënoi golin e nderit dhe gjithçka u mbyll me rezultatin 1-3. Po me këto shifra kishte fituar më parë Leeds United kundër Leicester, çka i hapi rrugë skuadrës së Liverpool për të marrë vendin e tretë në klasifikim. /abcnews.al
