Barcelona ka marrë një fitore bindësi 5-1 kundër Real Valadollid, sfidë që u luajt në Camp Nou. Lionel Messi ishte njeriu i këtij takimi, pasi shënoi dy gola dhe asistoi një herë për shokët e skuadrës. Ishte mbrojtësi Lenglet ai që hapi serinë e golave, që në minutën e dytë të sfidës.
Kiko do të barazonte provizorisht për Valadollid, duke përfituar dhe nga një pakujdesi e Ter Stegen, por Barcelona u zgjua dhe shënoi dy gola të shpejtë. Fillimisht, Messi asiston për Vidal në minutën e 29-të, për të shënuar më pas vetë në të 34-ën, një supergol.
Ylli argjentinas do të gjente golin e dytë personal në minutën e 75-të, ndërsa dy minuta më vonë, edhe Suarez iu shtua listës së golashënuesve. Me këtë fitore, Barcelona ngjitet në krye të La Ligas, me plot 22 pikë pas dhjetë ndeshjeve të para./abcnews.al
La Liga, java 10
Barcelona – Valadollid 5-1
Lenglet 2’, Vidal 29’, Messi 34’ 77’, Suarez 79’ / Kiko 15’
