Robert Lewandowski barazon rekordin e Gerd Muller, Eintracht Frankfurt bën “vetëvrasje” ndaj Schalkes së rënë nga kategoria, ndërsa gjen golin e parë në Bundesligë Blendi Idrizi. Kampionët e Bayern Munchen e mbyllën në barazim 2-2 takimin jashtë fushe me Freiburg.
Minuta e 26-të solli një penallti për bavarezët. Lewandowski nuk gaboi, dërgoi topin në rrjetë dhe gjeti golin e 40-të sezonal në kampionat, duke barazuar rekordin e legjendës Gerd Muller. Bomberi polak ka edhe një ndeshje në dispozicion për të shënuar sërish.
Serge Gnabry realizoi golin tjetër të ekipit udhëtues. Eintracht Frankfurt humbi 4-3 në fushën e Schalke 0-4, rezultat që me shumë mundësi i ka dhënë fund shpresave për t’u kualifikuar në Champions League sezonin e ardhshëm.
A guard of honor from #LEWANG40LSKI‘s @FCBayernEN teammates and coaching staff mid-match? ? Go on then! ? pic.twitter.com/cmZtwEtOQM
— Bundesliga English (@Bundesliga_EN) May 15, 2021
Një nga golat e ekipit vendas, që ka kohë që ka prerë biletën për në Bundesliga 2, e shënoi Blendi Idrizi. Ishte minuta e 52-të kur 23-vjeçari dardan (3 ndeshje me Kosovën U21) mori një asist me finte nga Huntelaar, avancoi bukur drejt portës kundërshtare dhe dërgoi topin në rrjetë.
Goli i parë në ndeshjen e dytë në elitën e futbollit gjerman për mesfushorin ofensiv. Werder Bremen humbi 2-0 në fushën e Augsburg dhe rrezikon seriozisht rënien një kategori më poshtë. Milot Rashica u fut në fushë në minutën e 56-të, por nuk ia doli të ndihmojë ekipin e tij. /abcnews.al
