Ndeshjet latine, sidomos ato braziliano-argjentinase, dhurojnë gjithmonë gjithçka: duele të forta, emocione, koka të nxehta, tension, përplasje dhe kaos. Kështu ka ndodhur edhe pas përfundimit të ndeshjes së dytë të raundit të 1/8-vë në Libertadores mes Atletico MG dhe Boca Juniors.
Sfida e parë e luajtur në Argjentinë nuk prodhoi gola, ashtu si edhe takimi i kthimit. Penalltitë i buzëqeshën Atletico MG, që siguroi një kualifikim dramatik në fazën çerekfinale. Në fund shpërtheu një sherr i madh.
Lojtarët e skuadrës mike, të cilët ishin të zhgënjyer nga eliminimi, janë përplasur me forcat e sigurisë. Shkaku i trazirave ishte kryesisht tensioni i madh i grumbulluar nga lojtarët gjatë ndeshjes. VAR-i anuloi një gol të Boca Juniors, çka solli zemërimin e lojtarëve “Xeneizes”.
CENAS LAMENTÁVEIS! Imagens da briga generalizada entre os jogadores, comissão técnica e afins de Atlético MG e Boca Juniors. https://t.co/E0ZbNZjmTW
— Trivelas ? (@trivelass) July 21, 2021
Sipas medieve të Amerikës së Jugut, përplasjet e para nisën midis lojtarëve të klubit argjentinas dhe oficerëve të sigurisë së stadiumit, ndërsa më pas filloi një sherr i vërtetë dhe i dhunshëm, ku u përfshinë edhe stafi i brazilianëve, përfshirë presidentin e Atletico MG.
Former Manchester United defender Marcos Rojo grabbed a fire extinguisher off the wall amid a furious post-match clash following Boca Juniors' controversial exit from the Copa #Libertadores vs Atletico MG. Police were forced to intervene. pic.twitter.com/y4CUlbDUPi
— Lij (@ElijahKyama) July 21, 2021
Ndërhyrja e policisë ushtarake solli ndalimin e tetë pjesëtarëve të Boca. Mes tyre lojtarë dhe anëtarë të stafit teknik, por falë ndërhyrjes diplomatike u evitua arrestimi i tyre. /abcnews.al
