VIDEO/ Jorgino i pafat, Chelsea humbet një shans të artë ndaj Krasnodar

schedule19:14 - 28 Tetor, 2020

schedule 19:14 - 28 Tetor, 2020

Penallti humbasin të gjithë, edhe ata që cilëson si “mjeshtra” në goditjet nga pika e bardhë. Chelsea po luan sfidën e dytë në Champions League ditën e sotme. Ekipi i Frank Lampard po përballet në Rusi me Krasnodar.

Timo Werner fitoi një penallti në minutën e 14-t dhe ekzekutimin e mori përsipër Jorginho. Mesfushori i Italisë, i cili nuk gabon pothuajse kurrë, ia doli të “mashtrojë” portierin vendas, por goditja e tij u ndal në shtyllë.

Një shans fantastik për të gjetur golin e avantazhit për miqtë nga Londra, por 28-vjeçari italo-brazilian nuk ia doli të dërgonte topin në rrjetë.

Chelsea ndodhet në grupin E, aty ku bëjnë pjesë edhe Sevilla e Rennes. 0-0 e mbyllën “Blutë e Londrës” takimin e javës së kaluar në shtëpi me skuadrën spanjolle. /abcnews.al