Një video tronditëse është bërë virale në rrjet, ku shihet një foshnje që rrëzohet nga ballkoni i një ndërtese dhe fatmirësisht bie në kurrizin e një kalimtari në Turqi, duke i shpëtuar kështu dëmtimeve serioze.
Qytetari Rouhi Aski ishte duke qëndruar jashtë një dyqani në zonën Haci Ilyas të Amasya-s, duke parë nga xhami, ku papritur fëmija i ka rënë mbi shpinë. Teksa përpiqej për të kuptuar se çfarë ndodhi, ai kthehet për të parë se çfarë e goditi dhe habitet kur sheh një fëmijë një vjeç pranë tij, në tokë .
“Ndjeva një dhimbje sikur dikush më kishte goditur mes shpatullave dhe gjëja e parë që mendova ishte se një vazo me lule ra nga ballkoni. Thashë me vete, për fat të mirë nuk e hëngra në kokë dhe u ktheva për të parë se çfarë ishte”, tha Rouhi për ngjarjen.
Rouhi e përqafoi menjëherë fëmijën dhe e pa që ishte mirë, thjesht kishte pak gjak në gojë nga rënia.
Fqinjët kanë thirrur menjëherë ndihmë dhe ka mbërritur një ambulancë, e cila ka dërguar në spital fëmijën dhe nënën e tij. /abcnews.al
