Kukësi-Bylisi dhe Flamurtari-Luftëtari kanë hapur javën e 13-të të Superiores dhe tashmë kanë përfunduar pjesët e para të këtyre dy takimeve. Kukësi ia ka dalë të shënojë në portën e ballshiotëve dhe ka qenë Kristal Abazaj që me një goditje të fortë befasoi portierin Isli Hidi.
Ky i fundit nuk e priste një goditje në këndin që ishte sulmuesi i Kukësit dhe pa që topi të përfundonte në rrjetë. Ndreca dhe Guindo provuan të barazojnë, por Xhika ia doli t’i ndalte në minutën e 28-të. Gjithsesi në fund portieri i Kukësit nuk ia doli të devijonte gjuajtjen me kokë të Guindo, i cili shënoi dhe pjesa e parë u mbyll në barazim 1-1.
KATEGORIA SUPERIORE – JAVA 13
E shtunë, më 23 nëntor, ora 13:30
KUKËSI-BYLIS 1-1
Shënues: Abazaj 21′ / Guindo 44′
Kukësi: Xhika, Maliki, Teqja, Obanor, Musta, Limaj, Musolli, Rroca, Ethemi, Gavazaj, Shkurtaj. Trajner: Shpëtim Duro
Bylis: Hidi, Ntephe (Celis 32′), Janku, Goxha, Peposhi, Mëllugja, Murataj, Bajramaj, Hadroj, Ndreca, Guindo. Trajner: Veljko Dovedan
Në Vlorë Flamurtari dominoi, por futbollistët vendas nuk ia dolën dot të mposhtnin portierin Paiteris. Kuqezinjtë në fillim pretenduan edhe për një penallti, pas një prekjeje me dorë në zonë, por arbitri i ndeshjes, Adrian Beqiri, nuk mendoi ashtu. Përpjekjet e Flamurtari nuk u shpërblyen dhe pjesa e parë u mbyll në barazim pa gola.
FLAMURTARI-LUFTËTARI 0-0
Flamurtari: Moçka, Gocaj, Zeqaj, Pjeshka, Muçollari, K. Nebihu, B. Nebihu, Rrapaj, Ribaj, Hoxhaj, Vatnikaj. Trajner: Luan Birçe
Luftëtari: Paiteris, Qato, Lala, Kukaj, Açka, Prikas, Dragoshi, Rapo, Hyseni, Dushkaj, Lika. Trajner: Giorgos Marantas
Arbitra: Adrian Beqiri, Ani Koçiaj, Redvan Shaba, Kreshnik Bajramaj
Kartonë të verdhë: Moccka 36′ / Accka 9′, Dragoshi 36′
