Gonzalo Higuain ka gjetur golin e parë në MLS. Sulmuesi argjentinas, i transferuar te Inter Miami nga Juventusi me parametra zero, ka realizuar një gol shumë të bukur përmes një goditjeje dënimi.
Argjentinasi i ishte afruar edhe më parë golit, madje e kishte pasur mundësinë të realizonte përmes penalltisë. Higuain kishte gabuar nga 11-metërshi, ndërkohë që edhe pas një roveshate kishte qenë i pafat.
Ky gol i shënuar nga sulmuesi pati vlerën e tre pikë, pasi Inter Miami mposhti me përmbysje në transfertë, 1-2, New York Red Bulls. Tre pikë të vlefshme për skuadrën e Higuain dhe Matuidi.
Ky i fundit ishte shpëtimtar për skuadrën amerikane, duke shmangur një gol të sigurt. Këmbëngulja e tij u shpërblye, pasi ia doli ta devijonte topin në vijën fatale dhe ka merita të padiskutueshme për fitoren e Inter Miami. / abcnews.al
