Manchester United ka kaluar në avantazh përballë Liverpoolit, me anë të sulmuesit të talentuar, Marcus Rashford. Liverpooli ishte në sulm, me anë të Origit, por mbrojtësit Lindelof i rrëmben topin pa faull. Menjëherë, “Djajtë e Kuq” nisen në kundërsulm me anë të uellsianit Daniel James, që është shumë i shpejtë për mesfushorin Wijnaldum.
pasi merr mirë krahun e djathtë, James kroson në qendër, aty ku Rashford tregohet më i zgjuar se MAtip dhe i vjedh kohën, duke e pasur të thjeshtë të mposhtë portierin Alisson nga një distancë e afërt.
Ky gol i Rashford erdhi në minutën e 36-të, por lojtarët e Liverpoolit kërkuan rishikimin e golit me VAR, pasi pretendonin për një faull ndaj Origit. Pas konsultimit me VAR, gjyqtari Atkinson e konsideron golin të rregullt dhe United në avantazh./abcnews.al
Premier League
Man. United – Liverpool 1-0
Rashford 36′
