Nisi me një gafë të Henderson, por në fund Manchester United arriti të shënojë tre gola të tjerë dhe të përmbysë vendin e fundit në Premier Legaue, Sheffield United.
McGoldrick shënoi në minutën e 5-të pas gafës së gardianit, që sot luante ndaj ish-skuadrës së tij, ku shkëlqeu në sezonin e shkuar. United u rikthye në lojë që në pjesën e parë me golat e Marcus Rashford dhe Anthony Martial.
Në të dytën Rashford tundi rrjetën edhe një herë dhe çoi shifrat 1-3. McGoldrick gjeti edhe një herë golin dhe vulosi shifrat në 3-2, pa i dhënë pikë skuadrës së tij. United numëron 23 pikë pas 13 ndeshjesh, ndërsa Sheffield qëndron ende në kuotën e 1 pike.
Premier League, Java 13
Sheffield United-Manchester United 1-3
Shënues: McGoldrick 5’, 87’/ Rashford 26’, 33’, Martial 33’
Edhe Roma e Marash Kumbullës arriti të fitojë sonte. Fitore pa vuajtje për skuadrën e trajnerit Fonseca, e ndihmuar edhe nga kartoni i kuq i shpejtë i marrë nga Singo për Torinon në minutën e 14.
Pas këtij episodi erdhi goli i Mkhitaryan në minutën e 27 dhe rrjeta me penallti e Veretout në minutën e 43-të. Në pjesën e dytë Pellegrini shënoi një gol të bukur dhe vulosi triumfin e Romës.
Goli i Bellotit ishte thjesht për statistikë. Kumbulla e nisi nga stoli ndeshjen dhe u aktivizua gjithë pjesën e dytë, ku nuk pati shumë punë. /abcnews.al
Serie A, Java 12
Roma-Torino 3-1
Shënues: Mkhitaryan 27’, Veretout (pen) 43’, Pellegrini 68’/ Bellotti 73’
