Antony Martial dhe Marcus Rashford janë padiskutim dy lojtarët më të mirë te Manchester United. Në sfidën ndaj Norwich në fundjavë, të dy sulmuesit gjetën rrjetën, si dhe gabuam nga pika e bardhë e penalltisë.
Fillimisht, gaboi Rashford, ndërsa pak minuta më vonë në pjesën e parë, gaboi dhe Martial. Megjithatë, United nuk e pati të vështirë të triumfojë 1-3 përballë Norwich në “Carrow Road”, duke marrë tri pikë shumë të rëndësishme.
Goli i tretë i “Djajve të Kuq” ishte fantastik, i cili u ndërtua nga vetëm dy sulmuesit Martial dhe Rashford. Pas dy kombinimeve shumë të bukura, Rashford pason me thembër për Martial, i cili ndëshkon portierin Krul me një parabolë të bukur. Një supergol, që tregon dhe njëherë tjetër se këta dy futbollistë kur luajnë së bashku, janë të pandalshëm./abcnews.al
