Çdokush e ka të vështirë të qëndrojë larg pasionit të tij në këtë kohë karantine, aq më tepër një futbollist. Nuk ka më stërvitje, nuk ka më ndeshje, teksa mungojnë grumbullimet dhe gallatat e shumta me shokët e skuadrës.
Të gjithë po tentojnë të stërviten në një farë mënyrë në kushte shtëpie, por mungesa e lojës me top është thelbësore. Vasil Shkurtaj ka postuar një video shumë të bukur në “Instagram”. Sulmuesi i Kukësit nis e xhonglon topin dhe të njëjtën gjë bëjnë edhe lojtarë të skuadrave të tjera të Superiores.
“Pasimet” mes tyre nuk mungojnë dhe, siç dallohet më poshtë, video është tepër e veçantë. “Futbolli është jeta jonë, durim, qëndroni në shtëpi”, shkruan 28-vjeçari i Kukësit. /abcnews.al
“Futbolli është jeta jonë!”, një mesazh dhe video domethënëse, nga Vasil Shkurtaj dhe lojtarë të tjetër të Superiores.
Video: Vasil Shkurtaj (Instagram) pic.twitter.com/IMxhfQGw1k
— Vladimir Prenga (@VPrenga) April 9, 2020
