Juventusi fitoi 3-2 përballë Portos, fitore që nuk i mjaftoi bardhezinjve të Andrea Pirlos. Sukses fantastik për skuadrën portugeze, që kualifikohet në çerekfinalet e Champions League pas fitores 2-1 në ndeshjen e parë.
Ndeshje spektakolare dhe plot emocione në Torino, aty ku u luajtën 120 minuta të zjarrta. Porto fitoi një penallti në minutën e 19-të dhe zhbllokoi sfidën. Sergio Oliveira nuk gaboi nga pika e bardhë dhe kaloi ekipin e tij në avantazh.
⏰ RESULTS ⏰
?⚪️ Ten-man Porto beat Juventus on away goals via extra-time Sérgio Oliveira goal ?
⚫️? Erling Haaland double sends Dortmund through to quarter-finals ?
? Who impressed you most?#UCL
— UEFA Champions League (@ChampionsLeague) March 9, 2021
Kaq për pjesën e parë, teksa pushimi i bëri mirë kampionëve të Italisë. Federico Chiesa realizoi dy gola brenda 14 minutave (49′ dhe 63′), teksa miqtë mbetën me dhjetë lojtarë në minutën e 54-t, pasi Taremi u ndëshkua me të kuq.
Juventusi dominoi kundërshtarin, por 90 minutat përfunduan në 2-1 dhe ndeshja shkoi në shtesa. Vendasit nuk e shfrytëzuan superioritetin numerik dhe u befasuan në minutën e 115-të. Sergio Oliveira gjeti golin e dytë personal falë një goditje dënimi fantastike.
“Zonja” reagoi dhe Adrien Rabiot me kokë gjeti rrjetën dy minuta më vonë. Gol shpresë për Juventusin, por Porto rezistoi në minutat e mbetura dhe kaloi në tetë skuadrat më të mira të Evropës falë dy golave jashtë fushe, duke iu bashkuar Dortmundit në çerekfinalet e Champions. /abcnews.al
