VIDEO/ Fitorja e parë në kampionat për Eintracht, Lille në krye të Ligue 1

schedule22:56 - 25 Shtator, 2020

schedule 22:56 - 25 Shtator, 2020

Eintracht Frankfurt merr tre pikët e para për sezon në Bundesligë. Djemtë e austriakut Adi Hutter fituan 1-3 jashtë fushe kundër Hertha Berlin. Andre Silva ktheu në gol një penallti pas gjysmë ore loje, ndërsa Bas Dost dyfishoi me kokë shtatë minuta më pas.

Golat e HERTHA BERLIN-EINTRACHT FRANKFURT

Miqtë realizuan një tjetër gol në pjesën e dytë me anë të Sebastian Rode. Vendasit gjetën golin e nderit në minutën e 78-të, falë autogolit të Martin Hinteregger. Tre pikë të rëndësishme për Eintracht, që reagon pas barazimit 1-1 në sfidën e parë ndaj Arminia Bielefeld dhe humbja e parë për Herthën.

Lille vazhdon të tregojë një formë të mirë në Ligue 1 dhe triumfi 2-0 në shtëpi përballë Nantes e ka ngjitur përkohësisht në krye me 11 pikë pas 5 javëve të para. Vendasit zhbllokuan sfidën dy minuta para fundit të pjesës së parë falë autogolit të Nicolas Pallois.

Në minutat e fundit të ndeshjes erdhi edhe goli i qetësisë. Lille fitoi një penallti dhe turku Burak Yilmaz e dërgoi topin në rrjetë. Përfundimisht 2-0 për ekipin e Christophe Galtier, që nuk ka humbur akoma dhe kryeson kampionatin francez. /abcnews.al