Real Madrid dhe Arsenal e nisin mbarë vitin, pasi kanë fituar ndeshjet e para. Spanjollët janë rikthyer te triumfi dhe ngjiten për momentin në vendin e parë në La Liga, mbi Atletico Madrid që ka tre ndeshje më pak dhe me siguri nesër e merr sërish fronin.
Skuadra e drejtuar nga Zinedine Zidane ka likuiduar në shtëpi ekipin e Celta Vigo me rezultatin e pastër 2-0. Protagonistë ishin Lucas dhe Marco Asensio, autorë të golave dhe asistues, në një ndeshje ku rëndësia e pikëve ishte më e madhja.
Miqtë ishin ata që mbajtën topin, kurse Reali ishte më konkret dhe shënoi. Sigurisht tifozët madrilenë nuk është se e presin mirë kur skuadra e tyre bëhet cinike edhe ndaj skuadrave që kampionët e Spanjës duhet t’i dominojnë me lojë e rezultate.
ARSENALI – Topçinjtë vijojnë ngjitjen, pasi sot kanë marrë fitoren e tretë radhazi. Skuadra e Mikel Arteta mposhti 0-4 skuadrën e ËBA, që është drejt rënies nga Premier League. Londinezët e zgjidhën shpejt ndeshjen.
https://streamable.com/s74dd5
Tierney befasoi nga e majta në një aksion sulmues, që e ktheu vetë në gol dhe zhbllokoi ndeshjen. Saka në fundin e pjesës së parë bëri detyrën brenda zone dhe e çoi topin në rrjetë, sikurse edhe Alexandre Lacazette në pjesën e dytë.
Francezi, në dy raste u tregua i saktë dhe i dërgoi shifrat në 4-0, duke lënë shenjën e tij në këtë fitore që e çon në kuotën e 23 pikëve, gjashtë më pak se ekipet në zonën Champions që është synimi i Arsenalit këtë sezon. /abcnews.al
