Viti i Ri 2024 trokiti në Shqipëri dhe u prit me festime të shumta e spektakle fishekzjarresh nga veriu në jug të vendit.
Në Kurbin, qielli u ndriçua nga fishekzjarret, teksa qytetarët e pritën me entuziazëm natën e ndërrimit të viteve.
E njëjta atmosferë edhe në Durrës, ku në qendër të qytetit bregdetar, qytetarët u mblodhën për të festuar. E pranishme, ishte edhe policia, në rast të ndonjë incidenti të mundshëm.
Qendra e Fierit ishte e mbushur plot me qytetarë, të cilët shijuan spektaklin e fishekzjarreve.
Edhe në Vlorë atmosfera ishte festive, ku nuk munguan edhe fishekzjarret për të lajmëruar mbërritjen e Vitit të Ri.
Në Korçë, Viti i Ri 2024 u prit nga qytetarë të shumtë në qendër të qytetit, të cilët festuan me një atmosferë elektrizuese.
