Max Tonetto: Ndoshta jo një futbollist shumë i njohur, por italiani ka arritur të jetë një lojtar konstant për Romën në krahun e majtë të mbrojtjes për disa sezone. Gjithashtu, Tonetto ka provuar të ktivizohet me Milanin dhe ka arritur të luajë edhe me fanellën e Italisë.
Djali i tij, Mattia Tonetto, po ndjek gjurmët e të atit dhe aktualisht, aktivizohet për moshat e Frosinones. Të dy janë të izoluar në shtëpi dhe sot, kanë bërë një video fenomenale!
Tonetto dhe djali i tij improvizojnë në mënyrë të shkëlqyer një ndeshje mes Romës dhe Frosinones, duke përdorur pamje tifozësh, të edituara normalisht, dhe koment të ndeshjeve reale. Realizim perfekt, video perfekte. Në fund, një mesazh fantastik, duke iu thënë të gjithëve që edhe pse iu mungon futbolli dhe jeta normale, të vazhdojnë të qëndrojnë në shtëpi./abcnews.al
