Prishtina është ndalur në një barazim pa gola me Gjilanin në shtëpi dhe kështu nuk ia ka dalë të ngushtojë diferencën me Dritën dhe Ballkanin, që kanë nga 55 pikë, 4 më shumë se bardhekaltrit e drejtuar nga Zekerija Ramadani.
Skuadra kryeqytetase kishte zbritur në fushën e lojës për të fituar, por nga ana tjetër Gjilani nuk është tërhequr dhe ka luajtur fort deri në minutat e fundit. Prishtina në minutën e 88-të fitoi edhe një penallti, pas rrëzimit të Gledi Micit në zonë.
Polemikat do të jenë të pashmangshme për të, por fatmirësisht portieri Enea Koliçi e ndali mbrojtësin Besnik Krasniqi. Prishtina humbi mundësinë për të fituar dhe tashmë duhet të mendojë për ndeshjet e radhës. /abcnews.al
