Një 45-vjeçar ka mbetur i plagosur pasi ra pre e një atentati mesditën e së mërkurës në qytetin e Milotit. ABC ka siguruar pamjet të cilat tregojnë dy persona me motor që qëllojnë në drejtim të Ylli Ibrahimit.
Siç duket edhe në pamje, dy persona të maskuar me motor qëlluan disa herë në drejtim të Ibrahimit, i cili më pas u dërgua tek Trauma në Tiranë. 45-vjeçari u qëllua në momentin që po dilte nga lokali në qendër të Milotit ndërsa duket se ka qenë nën vëzhgim nga autorët.
Drejt tij u qëllua me breshëri, pasi në vendngjarje janë gjetur 30 gëzhoja plumbash. Fatmirësisht nga të shtënat nuk pati të lënduar nga kalimtarët e rastit. s.b/abcnews.al/
