Pritej një fitore pa shumë lodhje dhe ashtu rezultoi të ishte. “Djajtë” e Manchester United kanë kaluar pa shumë vështirësi raundin e 3-të të FA Cup, teksa në “DW Stadium”, mundën me rezultatin e pastër 0 me 2, skuarën e Wigan, duke evituar kështu një tjetër zhgënjim, pas eleminimit në Carabao Cup e Champions League.
Nga një gol në secilën pjesë mjaftoi për “Djajtë” e Erik ten Hag, në një mbrëmje e cila mund të quhet e gjitha portugeze. I pari që gjeti rrugën e rrjetës ishte anësori i mbrojtjes, Diogo Dalot, i cili pasi merr një pasim nga Rashford dërgon topin në rrjetë në minutën e 22’-të, ndërsa për të “vulosur” rezultatin e përgjithshëm mendoi “luzitani” tjetër, Bruno Fernandes, me “fantazistin”, që nuk gabon nga pika e bardhë e penalltisë, në minutën e 74’-t.
Pas kësaj fitoreje, skuadra e Manchester United avancon në raundin e 4-t të FA Cup, ku kundërshtari do të mësojë vetëm në mbrëmjen e 16 janarit, kur do të zhvillohet edhe sfidat Eastleight-Newport, me këta të fundit, që përballjen e parë e mbyllën me rezultatin e barabartë, 1 me 1 dhe tashmë duhet të luajnë edhe një herë sfidën për të mësuar fituesin e vërtetë. /i.m /abcnews.al
SHIKONI GOLAT:
