Vllaznia nuk e lëshon kreun, ndërkohë që Kukësi i vihet pas. Shkodranët mposhtën Partizanin me rezultatin e ngushtë 1-0 dhe heroi ishte sulmuesi Haris Dilaver. Një përballje pa shumë raste, por në fund kuqeblutë i falen klasit të brazilianit Da Silva, i cili jep asistin vendimtar.
Gol nga boshnjaku dhe festë në stadiumin”Loro Boriçi”. Pikë të plota dhe Partizani thyhet pas gjashtë javësh. Në Elbasan ka festuar Kukësi, që ka bërë detyrën kundër Skënderbeut dhe ka marrë triumfin e pestë radhazi. Një fitore me rezultatin 3-1 dhe Eze ishte vendimtar.
Dy gola nga nigeriani, ndërkohë që më pas shënoi edhe Matheus Leira. Korccarët shënuan me Mensah të vetmin gol. Fitore për verilindorët, që renditen në vendin e dytë me tre pikë më pak se Vllaznia kryesuese.
NDESHJA TJETËR – Teuta dhe Laçi u ndanë në barazim 1-1. Durrsakët vijojnë të mos fitojnë, edhe pse shënuan që në minutën e tretë të takimit dhe patën disa raste me Krasniqin dhe Bregun. Kurbinasit u kundërpërgjigjën në fundin e pjesës së parë.
Ardit Deliu fitoi një penallti, që mund të hapë diskutime. Nga pika e bardhë nuk gaboi këtë herë Kyrian Nwabueze, i cili mposhti portierin Stivi Frashëri. Lojë e luftuar shumë, por te Teuta nuk ishin të qartë para portës dhe morën barazimin e radhës në shtëpi. /abcnews.al
Kategoria Superiore – Java 8
E diel, më 13 dhjetor, ora 16:45
Teuta-Laçi 1-1
Shënues: Bregu 3′ / Nwabueze (pen.) 42′
Vllaznia-Partizani 1-0
Shënues: Dilaver 86′
Kukësi-Skënderbeu 3-1
Shënues: Eze 19′, 49′, Leira 52′ / Mensah 71′
86′ Haris Dilaver, pas një asisti të Da Silva, i vetëm me portierin Alban Hoxha nuk gabon dhe realizon golin e epërsisë për Vllazninë
71′ Alfred Mensah ka ngushtuar shifrat në Elbasan, duke shënuar në portën e Kukësit. Afrikani i shpëtoi mbrojtjes dhe realizoi.
52′ Matheus Leira ka realizuar me një goditje të fortë brenda zonës. Portieri i Skënderbeut u detyrua ta nxirrte topin nga rrjeta
49′ Eze realizon edhe golin e qetësisë për Kukësin, pas një zbritje të shpejtë. Sulmuesi nuk fal para portierit Dajsinani
https://streamable.com/pcdkxb
41′ Deliu rrëzohet në zonë dhe penallti për skuadrën e Laçit. Nwabueze merr vrullë dhe këtë herë nuk gabon, duke e çuar në rrjetë
https://streamable.com/gtqa8i
19′ Patrick Friday ka bërë Kukësin të festojë, duke shënuar në portën e Skënderbeut. Sulmuesi nigerian goditi me kokë saktë, pas krosimit të Kotobellit
https://streamable.com/910pca
3′ Dejvi Bregu ka ndëshkuar skuadrën e Laçit, me një goditje nga brenda zonës. Aksion i gjatë sulmues i vendasve dhe vlonajti u tregua i saktë.
