Zbardhen detaje të reja nga vrasja e 71-vjeçarit Abdulla Budlla. 71-vjeçari është ekzekutuar me armë zjarri, në Fushë Prezë.
Gazetarja Xhensila Kodra tha se është një automjet me shpejtësi të lartë i cili ka qëlluar në drejtim të viktimës, por mbetet ende e paqartë dinamika e ngjarjes.
“Është parë një automjet me shpejtësi të lartë që ka qëlluar në drejtim të viktimës, ndërsa sipas policisë nuk rezulton të ketë pasur precedent të mëparshëm penalë. Po ashtu është ngritur një grup hetimor dhe se janë bërë disa shoqërime në polici. Deri më tani asnjë person nuk është i dyshuar nga ana e policisë”, raportoi gazetarja.
Lexo edhe: EMRI/ U gjet i pajetë: Policia rrethon zonën, ngrihen pika kontrolli
Mësohet po ashtu se në drejtim të tij është qëlluar 7-8 herë.
Po ashtu banorë të zonës të cilët kanë parë viktimën e pajetë kanë lajmëruar menjëherë policinë.
Burime të policisë konfirmojnë se përjashtohet tentativa e grabitjes, ndërsa dyshohet se është qëlluar nga një automjet në lëvizje.
