Manchester City u përmbys dje nga Chelsea 2-1 dhe e shtyu edhe një javë festën e titullit kampion. Skuadra e Guardiolës në fillim të ndeshjes kishte gjithçka në dorë, duke shënuar shpejt golin e parë dhe pasur shansin me një penallti për të tundur sërish rrjetën.
Kun Aguero e mori përsipër dhe e humbi. Argjentinasi tentoi të shënojë me “panenka”, por Mendy e kuptoi idenë dhe e priti lehtësisht sferën, duke i mohuar Cityt golin e dytë dhe të qetësisë. Më pas Chelsea u rikthye totalisht në lojë dhe përmbysi.
Padyshim Aguero u ndje fajtor pas ndeshjes dhe nuk vonoi t’i kërkojë falje të gjithëve për atë vendim të gabuar për ta gjuajtur penalltinë në atë mënyrë. “Nuk mund të mos i kërkoj falje shokëve të mi të skuadrës, stafit drejtues dhe tifozëve për penalltinë e sotme. Ishte një vendim i keq dhe unë marr përgjegjësinë e plotë”, shkruan Aguero në Tëitter. /abcnews.al
Aguero highlights vs Chelsea ? The Next Peter Odemwingie ⁉️? pic.twitter.com/SYnviK7QC1
— Bog.MUFC (@MufcBog) May 8, 2021
