Endri Çekiçi është padiskutim lideri te skuadra sllovene e Olimpija Ljubjanës. Mesfushori kuqezi ka shënuar edhe në takimin e sotëm në transfertë kundër ekipit të Koper.
Kjo sfidë ishte e vlefshme për javën e dytë të kampionatit slloven dhe Çekiçi shënoi gol në barazimin 1-1, duke i dhënë një pikë skuadrës së tij. Futbollisti kuqezi tundi rrjetën në minutën e 26-të të sfidës, duke u treguar i saktë nga pika e bardhë e penalltisë.
Çekiçi e ka nisur këtë sezon të ri në Slloveni aty ku e la edicionin e shkuar: Mes golave dhe protagonizmit. Padiskutim një “armë” e shtuar për trajnerin Edy Reja në kombëtaren e Shqipërisë./abcnews.al
