Tifozët e Cagliarit ndodhen në delir. Ekipi i tyre po shkëlqen në kampionat dhe renditet në vend të tretë për momentin. Fitorja e sotme ishte fantastike. Ekipi sard shënoi 5 gola në portën e Fiorentinës dhe fitoi ndeshjen 5-2.
Shtatë fitore dhe tre barazime në dhjetë ndeshjet e fundit janë një statistikë për titull. Ekipi lufton, sakrifikon, luan bukur dhe shënon gola spektakolarë. Rog, Simeone dhe Nainggolan dhuruan emocione të forta më rrjetat e tyre, teksa Pisacane dhe Joao Pedro kompletuan “manitën”.
Dygolëshi i Vlahovic i shërbeu Fiorentinës vetëm për të zbutur pak humbjen e thellë. Kjo fitore e ngjit Cagliarin në vend të tretë me 24 pikë, ndërsa Fiorentina regjistron ndeshjen e dytë pa fitore. /abcnews.al
